مہر خبرررساں ایجنسی نے الجزیرہ کے حوالے سے نقل کیا ہے کہ اقوامِ متحدہ کے مطابق تین ہفتوں تک غزہ میں اسرائیلی فوج کی کارروائی سے ہزاروں کی تعداد میں لوگ بے گھر ہوگئے ہیں انسانی حقوق کی تنظیموں کے مطابق اسرائیل نے غزہ میں جنگي جرائم کا ارتکاب کیا ہے اور اسرائیلی خونخوار حکام کے خلاف جنگی جرائم کا مقدمہ چلنا چاہیے۔
اقوامِ متحدہ کے اندازوں کے مطابق اب تک غزہ کے 50800 شہری گھروں سے بالکل محروم ہو گئے ہیں جبکہ 400000 افراد کو پینے کا پانی دستیاب نہیں۔ اقوامِ متحدہ کا یہ بھی کہنا ہے کہ غزہ کی تعمیر پر اربوں ڈالر خرچ ہوں گے۔
نامہ نگاروں کے مطابق اسرائیلی جنگی جرائم کا اندازہ اب ہونا شروع ہوا ہے جب اسرائیلی فوج جنگ بندی کے بعد علاقے سے جا رہی ہے اب بھی ملبے کے نیچے سے لاشیں نکل رہی ہیں۔
فلسطینی میڈیکل ذرائع کے مطابق اسرائیلی کارروائی میں 1300 فلسطینی ہلاک جبکہ 5500 زخمی ہوئے ہیں۔جن میں 410 بچے اور 110 عورتیں شامل ہیں ۔
آپ کا تبصرہ